Здравицата е можеби најубавиот и најлесен начин да го прекинете молчењето, да се потсетите на некои убави спомени, да прославите некој убав настан и да одбележите битен датум во вашиот живот. Веројатно цел свет ќе разбере што сте наумиле кога ќе ја подигнете чашата високо и ќе речете „на здравје“, но убаво е да знаете како истиот збор го изговараат луѓето од 70 земји во светот.

Видеото на страницата „Many people, Many places“ ќе ве научи како да наздравите со познати и непознати луѓе без оглед каде се наоѓате. Можеби не сте во можност да го научите нивниот јазик, но со неколку чашки добар пијалак и добро друштво - ќе бидете навистина „кул“ кога ќе го изговорите за нив познатиот збор.