Сите сме го слушнале предупредувањето: „Зјапањето во екранот цел ден ќе ти го уништи мозокот“. Иако не е толку драматично, сепак постои вистина во оваа порака. Неодамнешно истражување открива дека честата употреба на интернетот може да го промени начинот на кој функционира нашиот мозок.

Американските, австралиските и европските научници откриле дека корисниците кои прекумерно користат интернет имаат полоши резултати на задачите за меморија, а се и порасеани додека читаат. Ова е застрашувачки факт дека на интернет-генерациите и тоа како им штети технологијата како и главна причина зошто помладите генерации, родени во последните 25 години, различно функционираат од постарите генерации.

- Главните заклучоци од ова истражување е дека интензивното користење на интернетот навистина може да влијае на бројни функции на мозокот. На пример, постојаните известувања и табовите на интернет нè поттикнуваат нашето внимание постојано да биде поделено, што пак може да го намали нашиот капацитет за одржување на концентрацијата на една задача - вели д-р Џозеф.

Најзагрозени се токму децата кои допрва треба да ја развијат концентрацијата и другите ментални вештини. Поради тоа, особено внимание треба да им се посвети токму нив. Д-р Фирт советува дека на децата треба да им се ограничи користењето на интернетот и да се контролира содржината што ја консумираат. Исто така, тој советува да се разговара со децата за нивниот дигитален живот за да се избегне злоупотреба на интернетот, зависничко однесување и искористување.

Професор Џером Сарис, кој бил дел од истражувањето, вели дека е загрижен за промената што се случува во мозокот поради „инстаграмизацијата“ и „интернетизацијата“ на општеството.

- За да се намалат потенцијалните негативни ефекти од интензивно користење на интернетот, предлагам вежби за концентрација и техники на „интернет хигиена“ што опфаќаат намалување на мултитаскингот и намалено користење на паметни телефони во вечерните часови и зголемување на директната интеракција со другите луѓе - советува професор Сарис.