„Нетфликс“, еден од водечките светски стриминг услуги, тестира нова опција за претплатнички пакет наречен „Ултра“, чија месечна цена би можела да биде поголема од моменталниот „Премиум“ пакет.


-Постојано тестираме нови опции во „Нетфликс“, а во овој случај, одлучивме да тестираме нови претплатнички пакети за да откриеме колку корисниците всушност ги вреднуваат нашите услуги - истакнува Смит Саран, застапник на „Нетфликс“.

Според некои наоди, воведување на четврта, најскапа опција би можела да доведе до промена на останатите пакети, па така на пример, претплатниците на „Премиум“ пакетот наместо досегашните услуги за четири уреди би можеле да ги користат само два. Тоа доведува до заклучок дека оние корисници кои сакаат услугите на „Нетфликс“ да ги следат на четири различни уреди, ќе бидат присилени да ја земат најскапата претплата.

Моментално, „Нетфликс“ нуди три форми на претплатнички пакети: „Бејсик“ пакет од 7.99 долари што овозможува гледање на содржината на еден уред, „Стандард“ пакет од 10.99 долари што овозможува гледање на содржината на два уреди и „Премиум“ пакет со изност од 13.99 долари што нуди можност за следење на серии и филмови на четири различни уреди.