Германската полиција објави дека на стотици корисници на електрични тротинети им ги одзела возачките дозволи затоа што биле пијани на фестивалот за пиво во Минхен, „Октоберфест“.
Вкупно 414 лица се фатени како возеле е-тротинети во пијана состојба, од кои 254 останале и без возачка дозвола, се вели во полициското соопштение.
Полициските патроли интервенирале во 32 случаи за да спречат пијани да возат електричен тротинет.
Во Германија е-тротинетите, кои беа легализирани во јуни, се категоризираат како „моторизирани возила“. Тоа значи дека нивните корисници подлежат на законска забрана за возење под дејство на алкохол.
Извор: МИА