Постапокалиптичната хорор-серија „Последниот од нас“ (англ. The Last of Us) доби втор дел кој ќе се прикажува во април оваа година.

Првата сезона од серијата почна да се емитува во 2023 година, а се базира на популарната истоимена видеоигра. Серијата е сместена во постапокалиптичен свет, 20 години по ширењето на габична инфекција која ги претвора луѓето во агресивни суштества слични на зомбиња.

Во првата сезона Џоел мора да ја одведе тинејџерката Ел во институт од другата страна на САД за да можат научниците да откријат зошто е имуна на смртоносната инфекција.

Втората сезона се одвива неколку години по завршувањето на првата сезона и е инспирирана од видеоиграта „Последниот од нас 2“.

Новиот тизер започнува со портретирањето на ликот Аби, која е главниот негативец на новата сезона веднаш по трагичниот настан од последната епизода од првата сезона. Аби ќе бара одмазда за убиството на нејзиниот татко.

Серијата е еден од најголемите телевизиски хитови во последните неколку години, а многу гледачи ја сметаат за најдобра адаптација на видеоигра.

Во пресрет на втората сезона, многу гледачи изјавија дека трејлерот е одличен, како и дека серијата изгледа врвно.

„Последниот од нас“ беше номинирана за 24 награди „Еми“, од кои освои 8.



Извор: Klix.ba
Фото: Screenshot/YouTube