Во секоја работа се прават грешки, така што не е чудно што грешки се правеле и во минатото, па и во војна. Особено во Втората светска војна, кога не било лесно без радар или навигациски систем. Една од најголемите грешки што им се случила на нацистичките вооружени сили Луфтвафе била кога ги бомбардирале своите луѓе во градот Фрајбург.

На 10 мај 1940 година почнала германската инвазија на Франција. Поручникот Пол Сидел се подготвувал да полета од воздухопловната база Ландсберг-Лех со неговата ескадрила. Планот бил да се бомбардира францускиот град Дижон, а во случај работите да тргнат наопаку, имале уште една цел - аеродромот Доле.


Градската противвоздушна одбрана била целосно неподготвена за нападот. Тие ги виделе нацистичките авиони и помислиле дека се на пат кон Франција. Воопшто не го очекувале нападот. Нивните бомби паднале во близина на железничката станица и убиле 57 луѓе.

Нацистите не сакале да признаат дека битката за Франција ја почнале со таква грешка, па нападот го претставиле како непријателски. И тоа не било каков било напад, туку брутално насилство со намера да се повредат невооружени цивили. Наредниот ден во локалните медиуми пишувало дека станува збор за злобен, кукавички воздушен напад против сите закони на човештвото и меѓународното право. Седум месеци подоцна за нападот на цивилите во Фрајбург, Хитлер го обвинил Винстон Черчил.

Иако нивните воени претставници продолжиле да тврдат дека тоа било сојузнички чин, вистината некако излегла на виделина. Истражувањата на истакнати историчари ги натерале да ја прифатат вистината. Така, во 1980 година познатиот полковник Јозеф Камхубер изјавил дека е очигледно дека нападот на Фрајбург бил погрешно изведен од страна на единицата III/KG 51. По 45 години од катастрофата градоначалникот Ролф Бохм ја претставил спомен-плочата посветена на жртвите во битката за Франција. Се наоѓа во близина на игралиштето Хилда, каде што во нападот загинале 20 деца.