Белгиските пратеници бараат појаснувања од државата за 27 лица што примаат пензија воведена од режимот на Адолф Хитлер во нацистичка Германија.

Овие дополнителни пензии произлегуваат од закон воведен од страна на Хитлер во 1941 година со кој се наградувале Белгијците што ѝ биле „лојални“ на нацистичка Германија, право кое никогаш не било укинато во Германија.

Пратениците денеска ќе дебатираат за резолуција во која се бараат дополнителни детали за овие пензии, како и поголема фискална и социјална еднаквост.

Овие 27 лица ѝ се познати на германската амбасада во Белгија, но нивните идентитети никогаш не ѝ биле соопштени на белгиската држава.

Дополнително, според германското право, годините кои колаборационистите ги поминале во белгиските затвори се сметаат за работен стаж според нацистичкиот закон. Износот на овие пензии е од 425 до 1.275 евра во некои случаи.

Вкупно, од крајот на Втората светска војна, 38 илјади Белгијци ја примиле оваа дополнителна пензија како награда за нивната лојалност кон Адолф Хитлер.

Извор: МИА