Патот низ партитурата на Петтата симфонија ја следи судбината на јунакот што на санката се движи низ системот со ноти.

- Работев три месеци. Анимацијата не ја покрива целата симфонија. Мислам дека мојата психа не би издржала ако ја завршев - изјави авторот Марк Робинс. „Дудл Хеос“ е канал што го води Робинс.

Како што вели, не постојат две пооддалечени работи од интернетот и класичната музика. Тој успеал да ги спои и неговите содржини сега ги следат милион луѓе.

Марк ја користи онлајн-апликацијата „Лајн Рајдер“ за креирање на своите видеа. Оваа апликација овозможува да се направи видео цртајќи по линиите по кои поминува детенце на санките. Звучи едноставно, но не е.