Новата научна експедиција на Гринпис на Антарктикот утврди драстично намалување на бројот на пингвините таму. Во една од колониите што биле цел на истражувањето тоа намалување е за 77 отсто во споредба со 1971 година.

 - Ова укажува на огромни промени во екосистемот околу Јужниот Пол во последниве 50 години. Тоа подразбира и промени во синџирот на исхрана, што влијае и врз пингвините - изјави д-р Хедер Линч, професорка при Универзитетот „Стоуни Брук“ во Њујорк, САД, и еден од раководителите на експедицијата.

Д-р Линч смета дека на тоа влијаат повеќе фактори, но главниот се климатските промени. Со тоа се согласува и нејзиниот колега – зоологот Ноа Страјкер, кој истакна дека нешто не чини во екосистемот.