Батеријата на вашиот телефон се празни побрзо од вообичаено. Можеби е проблем во една од овие апликации.
„Снепчет“
Оваа апликација ја оптеретува вашата батерија, но постои решение како да го намалите проблемот. Во подесувањата вклучете ја опцијата „Travel“ и исклучете ја локацијата за следење.
„Тиндер“
„Тиндер“ исто така ја следи вашата локација и ги освежува податоците. Исклучете го освежувањето на податоците во позадина, исклучете ги известувањата или користете го „Тиндер“ преку веб-пребарувач.
Апликации со вести
Апликациите со вести се во постојан контакт со веб серверите и ја оптеретуваат батеријата. Страниците со вести следете ги во веб-пребарувачите или следете ги нивните објави на „Фејсбук“ и „Твитер“.
„Мајкрософт Аутлок“
Оваа апликација постојано ја проверува новата пошта, па подобро би било да проверувате дали ви стигнал нов мејл или да користите друга апликација.
„Фејсбук“ и „Месинџер“
Апликациите на „Фејсбук“ ја јадат батеријата, па би било паметно да ги замените со едноставно издание како „Фејсбук Лајт“ или „Месинџер Лајт“.