Со усвојувањето на новиот Правилник за донаторски проекти на УКЛО се создадени формално правни услови за започнување на проектот УКЛО Мрежа.

УКЛО објави Повик до сите заинтересирани да се приклучат кон УКЛО Мрежата.

УКЛО Мрежатa е платформа за соработка помеѓу Универзитетот „Св. Климент Охридски“ - Битола и истакнати организации и поединци.

Преку УКЛО мрежата заинтересираните факултети, институти, школи и другите членки на Универзитетот, како и истакнати организации или поединци, активни во заедницата, науката и истражувањата, може да подготвуваат и аплицираат за проекти во партнерство со УКЛО, како носители или партнери на проектот, да подготвуваат заеднички предлог-проекти со вработените на УКЛО, да објавуваат научни и стручни трудови со афилијација или коафилијација на УКЛО и рамноправно со вработените и студентите на УКЛО да учествуваат во можностите за доделување награди, надоместоци и признанија за научни трудови и активности.

Членовите на УКЛО Мрежата склучуваат Меморандум за соработка со УКЛО.

Ќе бидат контактирани само оние подносители што ќе бидат одобрени за членство во УКЛО Мрежата.