Актерската екипа на серијата „Пријатели“ сè уште заработува многу пари од репризите.

Според најновата статистика на „Југов“, ова е втората најстримувана серија во Велика Британија, по „Бубалици“ од октомври 2024 година.

Прилично неверојатно со оглед на тоа што „Пријатели“ заврши во 2004 година со 10 сезони и 236 епизоди.

Серијата на годишно ниво зема 1 милијарда долари само од приходите од авторските права, што значи голема плата за главните актери.

Џенифер Анистон, Кортни Кокс, Лиса Кудроу, Мет Лебланк и Дејвид Швимер, наводно, сè уште заработуваат процент од авторските права, додека не е јасно каква е ситуацијата со Метју Пери по неговата трагична смрт во 2023 година. Тие заработуваат 2 отсто од вкупниот приход, што е еднакво на огромни 20 милиони долари годишно за секој актер од 2018 година. Но, сумата би можела да биде уште поголема откако „Нетфликс“ ја презеде серијата.

Кон крајот на серијата, актерите заработувале над 1 милион долари по епизода.

Неодамна, Швимер, кој го глумеше Рос, изјави дека е благодарен за серијата нарекувајќи ја „подарок што продолжува да дава“.

- Кога ќе сретнам луѓе на улица од друга земја и ќе ми речат: „Научив англиски гледајќи ја твојата серија“, или ме запира татко и ми вели: „Моето дете беше навистина болно и единственото нешто што го тераше да оди во болница беше гледањето на серијата“, јас сум навистина благодарен и благословен што сум успеал да направам да им биде забавно на луѓето - изјави тој.

Извор: Ladbible.com
Фото: Screenshot/YouTube