Меѓу екстензиите за продуктивност на „Chrome“ може да се најдат потсетници, листи, календари и многу повеќе. Со нив може да се овозможуваат или блокираат содржини и да се поврзуваат интернет-страници и социјални мрежи. „Techworm“ состави листа од најпопуларни екстензии помеѓу корисниците. Погледнете ги во продолжение.

1Password

Се работи за програм за чување лозинки со кој може да влезете во страниците автоматски и лесно да создавате нови лозинки.

Momentum

Ви овозможува да ја заменете страницата за нов лист со лична страница на која може да гледате временска прогноза, листа на обврски и инспиративни изреки и фотографии.

Pushbullet

Ги собира сите уреди, пријатели и работи за кои се грижите во едно место и ги прави лесно достапни.

Earth View from Google Earth

Секогаш кога ќе отворите нов лист ќе видите сателитска слика од „Google earth“.

Google Input Tools

Оваа екстензија овозможува лесно менување на јазикот на кој пишување со еден клик на глувчето.

UpTo for Google Calendar

Доколку следите телевизиски серии, спорт, концерти и друго може да разгледувате календари со вакви настани.

Taco

Доколку сакате да ги чувате сите сервиси на едно место, ова е екстензијата која ќе го направи токму тоа.

Office Editing for Docs, Sheets & Slides

Може да гледате и уредувате документи во „Microsoft office“ без да го имате пакетот на компјутерот.

Strict Workflow

Ова е екстензија која го дели вашето работно време за да бидете попродуктивни.

Google Dictionary

Со оваа екстензија може да гледате дефиниција на секој збор и да чувате историја на зборови кои сте ги барале.

Hola Better Internet

Може да пребарувате интернет-страници кои се блокирани во училиштата, компаниите итн.