Џеф Безос ја претстави New Glenn, нова, џиновска ракета за повеќекратна употреба.



Другата компанија на основачот на Amazon, Blue Origin, планира да изгради ракета за превоз на товар (сателити) и луѓе во земјината орбита.

Безос вели дека неговата визија е милиони луѓе кои живеат и работат во вселената, а New Glenn (која е именувана според Џон Глен, првиот Американец кој орбитирал околу планетата Земја) е многу важен чекор кон тоа.

Идејата е ракетата да се вивне во вселената до крајот на деценијата. New Glenn ќе се движи на седум основни мотори (на кои Blue Origin работи во моментов), ќе има дијаметар од 7 метри, а ќе биде висока околу 95 метри.

Засега, има само фотографија од ракетата.



Ова е доста амбициозен проект на Blue Origin, но не е единствен за компанијата. Безос спомена и друг проект кој е во тек, наречен New Armstrong, но посочи дека „тоа е приказна за во иднина“. Со оглед на името, пишува The Verge, можно е овој проект да има врска со Месечината.