92% од светската популација живее во места каде квалитетот на воздухот не ги задоволува стандардите на СЗО.

Тврдењето произлегува од интерактивна мапа базирана врз податоци за загадувањето на воздухот во глобални рамки.



Д-р. Марија Нејра од СЗО бележи дека ова е загрижувачки здравствен проблем бидејќи загадувањето е штетно за белите дробови, срцето, па дури и мозокот, со потенцијал за предизвикување прерана смрт кај луѓето.

Колку е смртоносно загадувањето на воздухот?

Според СЗО, годишно околу 3 милиони смртни случаи може да се поврзат со изложеност на загаден воздух. Она што уште повеќе загрижува, објаснува д-р. Нејра, е фактот што веќе извесно време се алармира за ситуацијата, а нема никакви позитивни резултати.

Од 2008-ма до 2013-та нивото на загаденост на воздухот во урбаните средини бележи зголемување од 8%, и покрај подобрувањето во одделни региони.

Каде е најлош квалитетот на воздухот?

Според мапата, многу од областите каде нема чист воздух се во западен Пацифик, Медитеранот, субсахарските земји и југоисточна Азија

Како да се подобри квалитетот на воздухот?

Загадувањето произлегува од превозните средства, користењето јаглен и слично. За почист воздух, препорачуваат од СЗО, неопходни се владини регулативи и нивно спроведување.

За почеток, секој од нас би можел да почне да користи велосипед наместо автомобил.

ИНТЕРАКТИВНАТА МАПА НА СЗО