Во раните утрински часови во вторникот, околу 1:03 часот по локално време, блескав метеор од метеорскиот дожд „Персеиди“ беше фатен на камера додека прелетуваше над Охридското Езеро. Системот на веб-камери инсталиран низ регионот на Охридското Езеро ја сними оваа драматична глетка.
- Видеото е неверојатно. На него гледаме 7 секунди од метеор што паѓа - вели фотографот Стојан Стојановски кој го создаде системот на веб-камери.
Метеорскиот дожд „Персеиди“ е видлив секоја година од средината на јули до крајот на август. Годинава, дождот го достигна врвот ноќта на 11 август и пред да се раздени на 12 август.
Метеорскиот дожд е предизвикан од тоа што Земјата минува низ делови од мраз и карпи оставени од кометата Свифт-Татл, која последен пат помина покрај Земјата во 1992 година.
Стојановски започнал со поставување на мрежата на веб-камери во 2018 година со помош на локални бизниси за промовирање на туризмот во регионот на Охридското Езеро. Тој се надева дека поставувањето камери ќе му овозможи нему и на локалното охридско здружение за астрономија уште подобар поглед на ноќното небо.
Стојановски ја направи и оваа неверојатна фотографија од „Персеидите“ и Охридското Езеро, а на неа можат да се забележат и пожарите што беснеат наоколу.
Извор:
Space.com
Фото: Stojanovski