Имотот на најсиромашните 3,6 милијарди луѓе е еднаква на вкупната нето вредност на имотот на осумте најбогати луѓе на светот.


Имотот на најсиромашните 3,6 милијарди луѓе е еднаква на вкупната нето вредност на имотот на шест американски, еден шпански и еден мексикански бизнисмен, утврдиле од хуманитарната организација „Оксфам“.

Осуммината се одбрани од Форбс во листата на милијардери, во која се впишани и Бил Гејтс, Марк Цукерберг и Џеф Безос. Од „Оксфам“ исто така предупредуваат дека постои врска помеѓу длабокиот јазол кој ги дели богатите од сиромашните и големото глобално незадоволство на доминантната политика.

Од организацијата напоменуваат дека новите податоци за распределбата на богатствата во земјите како Индија и Кина поттикнале да се поправат калкулациите од пред една година, според кои половината од светскиот имот е во рацете на 62 луѓе. Нееднаквоста ќе биде меѓу главните точки на дневниот ред на годинешниот собир во Давос, на кој светските политички и бизнис луѓе ќе разменуваат мислења за клучни светски прашања.

„Оксфам“ во извештајот повикува на подигнување на даночните стапки кои ќе бидат насочени кон богатите поединци и здруженија и на глобална спогодба со кој би се ставило крај на натпреварувањето помеѓу земјите во намалувањето на даночните стапки. Го осудиле исто така и лобирањето на корпорациите и блиските врски помеѓу политиката и бизнис светот, барајќи воспоставување на задолжителни јавни регистри на лобисти и строги прописи за сузбивање на судирот на интереси.