Денес е петок, 27 јануари 2017 година, 27-иот ден во годината. Сонцето
изгреа во 06:45, а ќе зајде во 16:47 часот. Денот ќе трае 10 часа и 2
минути.
Ова утро во Македонија преовладува претежно ведро и студено утро, едно
од најстудените во оваа седмица. По котлините и долините на реките има
појава на магла и ниска облачност која што понекаде ќе се задржи и во
претпладневните часови.
МАКЕДОНИЈА – По студеното и понекаде магловито утро, во текот на денот
ќе биде претежно сончево со појава на локална облачност и студено време.
Ќе дува доумерен северозападен и североисточен ветер, а попладне во
западните предели ќе дува доумерен слаб западен и југозападен ветер.
Утринските температури од -18 до -5 степени, додека пак максималните
дневни температури ќе достигнат до -3 односно до 6 степени.
СКОПЈЕ - Во Скопје во утринските часови појава на слаба магла која што
ќе се задржи и во раните претпладневни часови, попладне ќе биде претежно
сончево и студено. Слаб северозападен ветер. Утринската температура од
-10 степени, додека пак максималната дневна ќе достигне до -1 степен.
МАКЕДОНИЈА 5 ДЕНА – Во сабота во утринските часови појава на магла која
што ќе се задржи и претпладне, а во текот на денот претежно сончево со
локална облачност. Утринските температури од -14 до -2 степени, a
максималните дневни од 0 до 8 степени. Во вечерните часови како и во
недела во утринските часови повторно појава на магла, претпладне умерено
облачно со повремени сончеви периоди, а попладне зголемување на
облачноста. Утринските температури од -8 до 2 степени, додека пак
максималните дневни од -1 до 7 степени. Во понеделник појава на магла
која што по котлините ќе се заджи и во текот на денот, во останатите
предели умерено облачно со сончеви периоди. Минимални температури од -5
до 0 степени, додека пак максималните од 1 до 5 степени. Во вторник
појава на утринска магла во текот на денот претежно сончево со локална
облачност. Утринска температура од -8 до -2 степени, додека пак
максимални од 1 до 7 степени.
Weather4all.com.mk