Во околината на Цирих пред неколку дена почна со работа фабрика која го собира јаглеродниот диоксид од атмосферата.


Цел на оваа фабрика е собраниот CO2 да го претвора во нови и корисни продукти, а патем да се смали загадувањето. Се планира тој да биде претворен во ѓубриво со кое растенијата би растеле 20-30% побрзо. Освен тоа, според претпоставките атмосферата ќе биде за 1% помалку загадена до 2025 со помош на уште 250.000 такви објекти.

Собирањето на јаглеродниот диоксид и неговото складирање е долгорочно решение за проблемот на загадувањето. Истражувањата за климатските промени покажуваат дека во следните 22 години може да се покачи загревањето на Земјата за 2 степена, што е особено опасно, а спасот е во Парискиот договор од кој неодамна се повлече Америка.

Индустријата за собирање на CO2 сѐ уште се тестира. Важно е како гасот ќе се складира долготрајно, т.е. да се претвори во други производи како они за загревање на стакленици, но и за производство на синтетички горива.