Ураганот Ирма стигна до Флорида, проследен со силни ветришта и обилни врнежи дожд. Центарот на ураганот ги погоди островите јужно од Флорида. Метеоролозите предупредуваат дека „најстрашното допрва следи“.

Ирма сега е ураган од категорија 4, а први се погодени островите на крајниот југ на Флорида, соопшти американскиот Национален центар за урагани. Од центарот соопштуваат дека на меѓународниот аеродром Ки Вест се измерени ветришта од 80 км/ч, пренесува Асошиејтед прес.

Повеќе од 420.000 домови останувале без електрична енергија, пишува CNN. Нивото веќе е зголемено, а голема бура се очекува, објави ББС. Големи врнежи од дожд го погодија Мајами Бич.