Ден Вотсон бил со својата фамилија на популарната плажа Њу Смирна во Флорида кога им се случила речиси филмска сцена.
Таткото од брегот ги набљудувал децата како се капат, па помислил дека би било идеално да ги сними со дрон.
Меѓутоа, кога погледнал што има во кадарот, се шокирал. На само десетина метри од неговите деца можела да се види сенка на ајкула. Таткото веднаш почнал да вика по нив да излезат од водата.
Тој на „Инстаграм“ објави две фотографии. На првата може да се види како ајкулата оди кон децата, а на втората се гледа како тие излегуваат од океанот, а ајкулата заминува кон длабоките води.
- Кога размислувате за ајкули, помислувате дека се во длабоките води, никогаш не ги замислувате толку близу и не мислите дека би можеле да дојдат до плиткото. Застрашувачко е да се види колку таа се приближила до моите деца - истакна мајката
Сали.
Фото:
Instagram