Од нови анимации на „Пиксар“ до фаворити за годинешните „Оскари“, погледнете во кои филмови ќе можете да уживате овој ноември.


1. „Повикај ме со своето име“


Филм според новелата на Андре Акиман од 2007 година. Се смета за еден од најценетите филмови годинава. Приказната е за млад човек кој живее во Италија и има страсна врска со постар маж. На премиерата на Филмскиот фестивал „Санденс“ филмот беше оценет со позитивни критики, па се верува дека ќе се најде помеѓу главните категории на „Оскарите“. Премиерата во САД е закажана за 24 ноември.

2. „Тор: Рагнарок“


Претходните изданија имаа низа критики, но овој пат со поимот „рагнарок“, што значи апокалипса, Тор се соочува со божицата на смртта, која ја игра Кејт Бланшет. Ова дело од низата приказни на Марвел во соседна Србија и Унгарија ќе биде прикажано на 1 ноември, на 2 ноември во Камбоџа и во Израел, а на 3 во Индија и Канада.

3. „Убиството во Ориент Експрес“


Приказна на Агата Кристи во која негативниот лик убива богат бизнисмен за време на патување во воз низ Балканот. Оживување на приказната од 1974 година со неверојатен кастинг - Шон Конери, Ингрид Бергман и Алберт Фини како Поаро. Сега Кенет Брана е на тоа место, а и на местото на режисер, а покрај него тука се и Џони Деп, Мишел Фајфер, Пенелопи Круз, Џуди Денч. Во САД премиерата е закажана за 10 ноември.

4. „Коко“


Во режија на Ли Ункрич од „Приказна за играчките“, ова е анимиран филм за младо момче по име Мигел, чиј идол е легендарниот гитарист Ернесто де ла Круз. Коко се упатува на трансформативна одисеја на себеоткривање во царството на мртвите за да го пронајде својот починат идол и да научи лекции за креативноста и оригиналноста. Премиера на 22 ноември во САД.

5. „Телма“


Хорор-приказна за млада жена која се заљубува во друга жена откако ќе се пресели во Осло, а нејзината страст изгледа дека ги отвора и прикажува сите натприродни стравови. Повеќе од хорор, филмот изобилува со психолошки моменти и ги проучува емоционалните длабочини на ликовите со емпатија. Премиера на 10 ноември во САД.

6. „1945“


Како им било на преживеаните од холокаустот кога се вратиле во своите домови по завршувањето на Втората светска војна? Потрага по своите пријатели, семејството и саканите и нивната тешка судбина. Драма во која православен маж и неговиот син се враќаат во своето село по преживувањето во логорите. Премиера на 1 ноември во САД.

7. „Трофеј“


Филм кој ги истражува сивите зони на ловењето, исполнет со ужасни слики од животни. Филмот ги прикажува болката и страдањето на уловените животни во Африка, но покажува и дека ловењето ќе продолжи понатаму, а дека регулираното ловење е подобро од илегалното убивање на животни кое се заканува дека ќе загрози многу видови. Премиера на 17 ноември во Велика Британија.

8. „Падингтон 2“


Се следат настаните од претходниот филм, а Падингтон сака да купи книга за својата тетка од локален продавач на книги, но за да заработи и да може да ја купи книгата, се вработува на разни чудни места – а книгата ќе биде украдена од продавницата. И тогаш започнува решавањето на мистеријата. Премиера на 10 ноември во Велика Британија.

9. „Добро време“


Роберт Патинсон е речиси непрепознатлив во ова филмско остварување. Со светла боја на косата, тој е во улога на ограбувач на банка кој се обидува да ја изведе најголемата измама во Њујорк, а неговиот брат, кој има пречки во развојот, ќе биде уапсен за кривичното дело. Се обидува да ги искористи парите што ги украл за да ја плати кауцијата на својот брат, но приказната се комплицира. Премиера на 17 ноември во Велика Британија.

10. „Убиството на светиот елен“


Режисерот на „Јастог“, Јоргос Лантимос, овој пат со трилер за хирургот и неговата сопруга, која е исто така доктор, кои се спријателуваат со тинејџер по име Мартин. Момчето сака да ги прикаже семејните тајни и да ја обелодени ужасната траума од нивното минато. Филмот ќе биде прикажан на 9 ноември во Данска, на 16 ноември во Русија и на 30 ноември во Хонг Конг.