Атеистите напишаа сопствена верзија на десетте заповеди, а станува збор за предлози кои се избрани во рамките на натпреварувањето AMHH (Atheist Mind Humanist Heart).

Уште во ноември, познатиот „рушител на митови“ Адам Севиџ најави дека ќе биде судија, а познатиот водител привлече толку многу посетители, што предизвикаа рушење на официјалната службена страница на натпреварувањето.

Севиџ бил само еден од 13. судии што добро ги проучиле сите предлози (околу 2.800) и на крај ги избраа 10. најдобри, кои меѓусебно ја поделија наградата од 10.000 долари.

Ова се новите десет заповеди на атеистите:

1.  Бидете со отворен ум и подготвени да ги менувате своите уверувања во согласност со новите докази.

2.  Настојувајте да ја прифатите најверојатната вистина, а не да верувате во она што посакувате да биде вистина.

3.  Научната метода е најсигурниот начин за разбирање на природниот свет.

4.  Секое лице има право на контрола врз сопственото тело.

5.  Бог не е неопходен за да станете подобра личност или да живеете целосен и исполнет живот.

6.  Водете сметка за последиците од вашите постапки и прифатете дека за нив мора да преземете одговорност.

7.  Постапувајте кон другите онака како што сакате да постапуваат кон вас и на начин на кој разумно очекувате дека сакаат да се постапува кон нив. Имајте го на ум нивното гледиште.

8.  Наша е одговорноста да се грижиме за другите, а тоа ги вклучува и идните генерации.

9.  Не постои само еден исправен начин на живот.

10. Оставете го светот подобро место за живеење отколку што сте го затекнале.

Лекс Баер и Џон Фиџдор создале посебна листа со „не-заповеди“ во книгата што ја напишале заедно под наслов „Atheist Heart, Humanist Mind“, а Баер додава дека работата на книгата го натерала да размисли и да ги артикулира сопствените уверувања, па помислил дека и другите би можеле да имаат корист ако го направат истото.

„Дали знаевте дека статистиките покажуваат дека дури 45 милиони Американци се сметаат за нерелигиозни? Тој број е во пораст, а третина од возрасните помлади од 30 години се сметаат за неверници. За многумина, атеизмот ја заменува религијата, но се поставува прашањето: Во што веруваат атеистите?

Користевме филозофски пристап втемелен на логика и докази за да одредиме како да се живее разумен, етички и среќен живот без Бог и за тоа напишавме книга“, објаснуваат авторите на „Редит“.