Основањето на софтверската компанија „Гaсто“ е класична приказна од Силициумската долина. Во 2011 година Џошуа Ривс и неколку негови пријатели ја основаа компанијата во куќа во Пало Алто.

„Гaсто“ е милијардерско претпријатие кое прави софтвер за човечки ресурси и мали бизниси. Ривс е горд што им помага на малите бизниси да вршат голема работа, но тој исто така сакал компанијата да биде одлично работно место. Тој овозможил домашна атмосфера, транспарентност во работата и дарежливи бенефити. Магазинот „Фортјун“ ја смести компанијата во 100-те најдобри работни места за милениумци.
Компанијата ги отвори своите нови канцеларии во некогаш индустриско, а сега ултра хипстерско соседство во Сан Франциско.



Во новите канцеларии во Сан Франциско има една централна просторија која вработените ја нарекуваат дневна соба.

Задржан е голем дел од оригиналната архитектура, па над главите на вработените има цевки, греди и дигалки.


Вработените можат да работат од каде сакаат.

Сите имаат по едно биро освен Ривс, кој еднаш месечно ја менува позицијата за да може подобро да ги запознае тимовите.

Вработените имаат бесплатни грицки, ручек и вечера. Храната изгледа прилично здраво.


Компанијата ги плаќа трошоците за превоз до работното место, нуди неограничено време за одмор и ги покрива бенефитите за фертилитет, како што е замрзнувањето на јајце-клетки и ин витро. Секој вработен добива гратис лет до каде и да е во светот на првата годишнина од вработувањето во компанијата.

Компанијата планира да остане во објектот најмалку десет години. На крајот најверојатно ќе ја „надрасне“ дневната соба и ќе изнајми уште канцеларии.