Кога НАСА ќе се врати на Месечината, нејзините астронаути ќе уживаат во орудијата во камперско комбе под притисок создадено од ЈАКСА и „Тојота“. Возилото за две лица е дел од американско-јапонскиот договор кој ги вклучува и првите јапонски астронаути на Месечината.
Се чини дека програмата на НАСА за човечко присуство на Месечината ќе личи на саем за автомобили. Вселенската агенција неодамна додели договори за развој на отворено надворешно возило за превоз на астронаути на Месечината, иако тие се мали и возачот и патникот мора да носат вселенски костими. Во меѓувреме, јапонското возило што го развиваат ЈАКСА и „Тојота“ е мобилна станица каде што екипажот ќе може да живее и да работи до 30 дена без да носи вселенски костим.
Фото: ЈАХА
Новото камперско комбе ќе се напојува со горивни ќелии со водород, дополнети со соларни панели кои можат да ја рециклираат отпадната вода со нејзино претворање во водород и кислород за напојување. Се проценува дека возилото ќе има домет до 10.000 километри и ќе се користи за истражување на јужниот регион.
Според договорот потпишан од администраторот на НАСА, Бил Нелсон, и јапонскиот министер за образование, култура, спорт, наука и технологија Масахит Моријама, ЈАКСА ќе обезбеди возило додека НАСА ќе го транспортира до Месечината како дел од мисијата „Артемида VII“ во 2031 година.
Дополнително, новиот договор ќе овозможи патување на првиот јапонски астронаут до станицата „Гејтвеј“.
- Роверот под притисок ќе биде моќен придонес за целокупната архитектура на „Артемида“ бидејќи Јапонија и САД одат рака под рака со меѓународните и индустриските партнери на површината на Месечината и пошироко - изјави Јамакава.
Извор:
Newatlas.com
Фото: JAXA