„Самсунг“ ја тестира способноста за предвидување вазовагална синкопа со висока точност користејќи биосигнали добиени од часовникот „галакси6“.

Вазовагална синкопа (VVS) настанува кога отчукувањата на срцето и крвниот притисок нагло паѓаат поради прекумерен стрес, што доведува до привремено губење на свеста. Иако несвестицата обично не е животозагризувачка, ненадејното паѓање може да предизвика фрактури или потрес на мозокот, па затоа раното предвидување е клучно за превенција.

- До 40 отсто од луѓето во текот на животот доживуваат вазовагална синкопа, а кај една третина од нив се појавуваат епизоди што се повторуваат. Раното предупредување би можело да им даде на пациентите време да заземат безбедна положба или да повикаат помош, што би ја намалило зачестеноста на секундарните повреди - вели професорот Џунхван Чо од Универзитетот „Чунг-Анг“.

Истражувачки тим на „Самсунг“ и Универзитетот „Чунг-Анг“, предводен од професорот Чо, спроведе процени на 132 пациенти со сомнеж за симптоми на VVS за време на тестови на индуцирана несвестица. Користејќи часовник „галакси“ опремен со сензор за фотоплетизмографија (PPG), тимот ги анализираше податоците за варијабилноста на отчукувањата на срцето (HRV) на часовникот со помош на ВИ-алгоритам.

Моделот успешно ги предвиде претстојните епизоди на несвестица до пет минути однапред, со точност од 84,6 проценти, со клинички значајна чувствителност од 90 проценти и специфичност од 64 проценти.

- Оваа студија е пример за тоа како уредите за носење може да помогнат во превентивната грижа - вели Џонгмин Чои, водач на истражувачката група.