Напуштањето на домот, градењето независност и сопствен живот се смета за клучен столб на зрелоста во многу земји. Тоа е знак по кој општествата сметаат дека една личност е способна да го изгради својот живот.
Но, не се исти сите култури и семејни структури. Понекогаш економиите можат да влијаат врз можноста за иселување.
Во продолжение се европските земји рангирани според просечната возраст на која луѓето ги напуштаат домовите на родителите. Листата е направена од податоците на „Евростат“.
Кога Европејците го напуштаат родителското гнездо?
Младите во балканските земји и Јужна Европа сакаат да го напуштат родителското гнездо малку подоцна во животот. Просечната возраст за иселување во седум земји, сите од овој регион, е на или над 30 години.
![zemji](/images/news/2024/07/20240718-na-koja-vozrast-mladite-gi-napushtaat-domovite-na-roditelite-vo-zemjite-niz-evropa-1.jpg)
Фото: Visual Capitalist
Културолошките фактори (силните семејни врски) и економските притисоци (високите кирии во споредба со пониските плати) се комбинација која придонесува луѓето на подоцнежна возраст да се иселат од домовите на родителите, особено во овој регион.
Друга интересна корелација е како истите земји имаат повисоки стапки на сопственост на домови (Романија, Словачка и Хрватска сите над 90 отсто) што покажува дека изнајмувањето не е популарен избор за жителите.
Семејствата од повеќе генерации се исто така почести низ целиот регион, како наследство од општество кое е повеќе ориентирано кон земјоделството, посилна црква и послаба социјална држава и институции.
Од друга страна, во нордиските земји, Финска, Шведска и Данска, просечната возраст на иселување е во опсег од 21 до 22 години. Слично на тоа, нивните стапки на поседување домови се многу пониски во споредба.
Извор:
Visual Capitalist
Фото: Visual Capitalist