Индиската влада забрани производство и увоз на електронски цигари.

Министерката за финансии Нирмала Ситарамање соопшти дека со извршната одлука ќе бидат забранети овие производи и на тој начин ќе се зголеми контролата на цигари во земјата.

Таа наведе дека електронските цигари претставуваат сè поголем ризик за здравјето бидејќи не се користат како средство кое помага да се остави пушењето, туку како „моден детаљ“, особено кај младите.

Повеќе од 900.000 луѓе умираат годишно поради болести поврзани со ризикот од пушење.