Владата на Израел одобри мерки за итни случаи за пронаоѓање лица за кои постои сомнение или е потврдено дека се заразени со коронавирус со следење на нивните телефони, со што веднаш се предизвика загриженост за приватноста во земјата.

Кабинетот едногласно ја одобри употребата на технологијата - развиена првично за борба против тероризмот.

Израелскиот премиер Бенјамин Нетанјаху изјави дека властите ќе ги користат податоците за да ги известат луѓето кои можеби биле во контакт со некој заразен со вирусот, а исто така и за спроведување наредби за карантин.

Во телевизиски говор Нетанјаху изјави дека компјутерскиот мониторинг ќе биде активен во период од 30 дена.


Здружението за граѓански права во Израел соопшти дека новите тајни овластувања на внатрешната агенција за безбедност на земјата е опасен преседан и мора да се пристапи и да се реши по многу дебати, а не по кратка дискусија.

Неколку земји користат слична технологија за дигитално следење на ширењето на вирусот, иако со различни степени на инвазивност. Иран е обвинет дека барал од луѓето да ја преземат апликацијата во која се тврди дека помагаат во идентификувањето на симптомите на коронавирусот, но наместо тоа, земјата собирала податоци за локацијата на граѓаните.

Кина го прошири својот веќе масовен надзор, при што телекомуникациските оператори ги следат движењата на луѓето додека компаниите ја користат технологијата за препознавање на лицето.

Во Јужна Кореја владата испрати пораки до јавноста дека детално го следат движењето на луѓето на кои неодамна им бил дијагностициран вирусот. Целта е да помогнат да се идентификуваат нови случаи и оние што се изложен на ризик, но честопати служат за изложување на срамни лични информации. Иако пораките не покажуваат имиња, тие покажуваат детали за полот и возраста.