Вработените што се занимаваат со сајбер-безбедност, развој на производи, продажба, техничка поддршка, маркетинг и односи со јавноста заштедуваат најмногу време дневно користејќи вештачка интелигенција, според резултатите од истражувањето на „Мајкрософт“.

Според истражувањето за професиите кои моментално имаат најголема корист од употребата на вештачката интелигенција во форма на подобрување на нивната работа на секојдневните задачи, употребата на вештачката интелигенција нуди можност за иновации, го намалува обемот на повторлива работа и овозможува носење поинформирани и побрзи одлуки, соопштуваат од компанијата.

Истражувањата покажаа дека кога корисниците на алатките за вештачка интелигенција препознаваат заштеда на време од 11 минути дневно, почнуваат да ја гледаат нејзината вредност и создаваат навика да ја користат.

Повеќе од половина од младите вклучени во истражувањето истакнаа дека новите технологии се клучни за нивните одлуки за кариерата, што укажува дека во блиска иднина вештините за вештачка интелигенција и пристапот до тие вештини ќе бидат клучни за привлекување и задржување на најдобрите таленти.

Директорот на „Мајкрософт“, Адриатик Калин Димтев, истакна дека вештачката интелигенција продолжува да ги обликува индустриите и да го редефинира начинот на кој се размислува за технологијата, но и дека и покрај тоа што нејзините вредности лесно се препознаваат, не постои формална стратегија за примена на вештачката интелигенција во организации, што доведува до тоа вработените кои користат вештачка интелигенција да ги користат за лични потреби и може да ги загрозат безбедноста и приватноста.