Се претпоставува дека во Загреб моментно има повеќе непријавени случаи на заболени од сипаници, пишува весникот „Јутарњи лист“, наведувајќи дека на хрватскиот главен град му се заканува епидемија.

За само две недели дури седум граѓани на Загреб заболеле од сипаници. Имајќи предвид дека станува збор за високозаразен вирус, ширењето на болеста не би било невообичаено. Меѓутоа, експертите ги загрижува фактот дека седумтемина заразени не се познаваат, не биле во меѓусебен контакт и засега не е утврдена никаква врска меѓу нив.

Весникот истакнува дека сите пациенти се заразиле во многу краток рок, поради што лекарите очекуваат нови случаи.