Без разлика дали сакате снег или не, празниците секогаш изгледаат подобро во град покриен со бела прекривка. Затоа, доколку патувате и сакате бел Божиќ или Нова година, одете во некој од овие градови бидејќи, според статистиката, тие имаат најмногу снежни денови во декември.



На петтото место е главниот град на Финска, а доколку сакате да уживате во радостите на снегот, купете санка наречена „пулка". Кога ќе ја купите, упатете се кон паркот Синебрихоф и спуштете се по еден од многуте ридови. Секако, во Финска треба да се однесувате како Финец, па откако ќе се забавувате во снегот, време е да посетите една од многуте сауни и да се загреете на „пријатните“ 80 степени. Ако сте доволно храбри, одете малку подалеку, на замрзнатиот Балтик и одете на лизгање на мраз.

4. Турку, Финска - 17 снежни дена месечно

Да останеме уште малку во Финска, впрочем, тука се наоѓа и Лапонија, земјата на Дедо Мраз. Турку е најстариот град во земјата, кој се наоѓа на југозападниот брег, и го красат многу замоци кои датираат од 13 век. Еден од начините за обиколка на градот во декември е секако на лизгалки, бидејќи тогаш реката Аура е под мраз. Доколку барате нешто помирно, упатете се во музејот „Абоа Ветус Арс Нова“.

3. Ерфурт, Германија - 17,5 снежни дена месечно

Овој мал град, кој според германските стандарди има повеќе од 200.000 луѓе, на крајот од годината е прилично бел, а ќе најдете многу бисери на средновековната архитектура, вклучувајќи ја и катедралата „Света Марија“.

2. Вилнус, Литванија - 18,5 снежни дена месечно


Главниот град на Литванија е најпознат по својата барокна архитектура во центарот на градот, која беше ставена на листата на светско наследство од УНЕСКО во 1994 година. Доколку сакате да го искусите вистинскиот зимски дух и да спортувате, скијачката зона Липкалнис е оддалечена само 5 километри и нуди прекрасен поглед на градот. Од друга страна, доколку не планирате одморот да го поминете активно, туку културно, ви предлагаме посета на Литванскиот национален уметнички музеј, каде што ќе можете да ја истражите богатата историја на земјата.


На прво место се наоѓа „кралот на снегот“ во декември, главниот град на Естонија – Талин. Во зима престојот во овој град е чиста романса, а стариот дел од градот, познат и како Кесклин, е под заштита на УНЕСКО и е еден од најдобро зачуваните средновековни градски центри на целиот континент. Доколку уживате во зимските спортови, не пропуштајте го „Талин сонг фестивал граундс“, кој е центар на разни спортови во зима.

Извор: 24sedam.rs
Фото: Freepik