Три рачно напишани записи се пронајдени во домот на соул-дивата Арета Френклин, по неколку месеци од нејзината смрт лани во август.

- Кога почина, нејзиното семејство соопшти дека Арета не оставила никаков тестамент. Меѓутоа, овој месец беа најдени дури три – два се од 2010 година и биле заклучени во орманче, а еден од 2014, скриен под перница во дневната соба - изјави адвокатот Дејвид Бенет.

Тој нагласи дека делови од напишаното тешко може да се дешифрираат, а некои зборови се пречкртани, па допишани по маргините.

Бенет, кој над 40 години бил адвокат на Арета Френклин, завчера ги предаде записите на судот и притоа изјави дека не е сигурен дали се во согласност со законите на американската сојузна држава Мичиген.