Копањето криптовалути минатата година на светско ниво потрошило до 18,8 гигавати електрична енергија, што може да се спореди со трошењето на енергија на Полска. Освен тоа, предизвикало и годишна емисија од приближно 800 тони јаглероден диоксид. Тоа го покажало истражувањето на компанијата „Касперски“ за економското и еколошкото влијание на интернет-рударите.

Истражувачите од „Касперски“ заклучиле дека иако индивидуалните губитоци може да се сметаат за безначајни, глобалното влијание на интернет-рударењето врз екологијата е изненадувачки големо. Според пресметките на „Касперски“, количината на енергија потрошена преку интернет-рударење може да биде и до 1.670 мегават-часа по страница.

Но, компанијата забележува значителен пад на рударството преку интернет бидејќи има многу правни и технички иницијативи насочени кон намалување на влијанието на интернет-рударството.

Претходните истражувања на „Касперски“ покажуваат дека секој десетти испитаник (13 отсто) досега користел криптовалути за купување. Но, сајбер-криминалците исто така го прифаќаат овој тренд и сè повеќе се насочуваат кон крипто-берзата и така ги напаѓаат инвеститорите. На овој начин корисниците се во постојан ризик да ги загубат своите заштеди преку оваа незаштитена технологија.