Медицинската сестра Кети Никсон од САД за четири дена сработила четири смени, односно вкупно 53 часа. Нејзината сестра Лора ја фотографирала и ја објави сликата на „Фејсбук“.

На фотографијата Кети е исцрпена до максимум и плаче.

- Таа тука штотуку ја заврши четвртата смена во низа за четири дена. Тоа се над 53 часа, не вклучувајќи по 1,5 час возење секој ден… Ќе ме убие поради сликава, ама ајде сите да одвоиме минута во чест на медицинските сестри - вели Лора во својот опис на фотографијата.

Таа истакнува дека работата на болничарите е исклучително значајна, но и сурово тешка, а сликата го олицетворува сето она низ што тие минуваат.