Откако хронолошкиот преглед на објавите беше префрлен во алгоритамски, креаторите на „Инстаграм“ им го загорчија животот на корисниците на кои им е сè потешко да ги пронајдат објавите на пријателите и познајниците. Поради ова дојде до постојано „скролање“ со кое корисникот ги бара објавите што можеби ги пропуштил.

За да го реши проблемот, „Инстаграм“ тестира нова функција што на корисникот ќе му даде до знаење дека погледнал сè. Откако корисникот ќе ја види целата содржина што ја споделиле неговите пријатели во изминатите 48 часа, ќе добие порака на екранот: „Ги прегледавте сите објави во изминатите 48 часа“.

Бидејќи станува збор за тестирање, сè уште не е познато кога ќе биде неговото доаѓање.