Компанијата „Тинекс“ на 23 април одбележувa 25 години од своето основање, во 1994 година.

- Успешната приказна на нашата компанија се темели на континуираната посветеност на сите вработени кон остварување на нашата визија, која е насочена кон градење стабилен и етаблиран македонски бренд, кој ќе претставува повеќе од супермаркет. Да се задржи лидерската позиција сите овие години за нас претставува предизвик, но и мотивација, која нè поттикнува постојано да преземаме нови чекори со кои ќе одговориме на потребите на пазарот и ќе го осигуриме своето место на врвот - изјавија од „Тинекс“ по повод јубилејот.

Со отворањето на првиот маркет во населбата Карпош 3, „Тинекс“ стана првиот супермаркет во Македонија што воведе нови, дотогаш неприменети практики во малопродажбата и услужувањето на потрошувачите. Оттогаш „Тинекс“ е насочен кон примена на најновите технологии и принципи на работење, кои се насочени кон усовршување на потрошувачкото искуство, со акцент на задоволството од пазарењето.

Денес, семејството на „Тинекс“ вклучува 41 супермаркет во 11 града низ Македонија, интернет-продавница, 7 дрогерии „Космо“, ресторани, продавници на мебел и декор, туристичка агенција, игротека, сопствен логистичко-дистрибутивен центар, погони за производство на готови јадења и обработка на месо и два трговски центри. Останатиот, и најзначаен дел од семејството на „Тинекс“ го сочинуваат над 1.300 вработени, над 100.000 потрошувачи и 5.000 соработници.

Во фокусот на компанијата секогаш се наоѓаат потрошувачите, па затоа „Тинекс“ одлучи својот роденден да го прослави заедно со нив, во знак на благодарност за довербата што ја имаат кон брендот „Тинекс“ овие 25 години.

По повод роденденот на „Тинекс“, во текот на наредниот период ќе бидат организирани голем број промотивни активности, акции и попусти за потрошувачите. Акциите ќе се однесуваат на супермаркетите „Тинекс“, но исто така и на останатите објекти кои се дел од семејството на „Тинекс“, како дрогериите Cosmo, Tinex Home, Tinex To Go, туристичката агенција Travel Solution и др.

Секоја недела, почнувајќи од 22 април, 25 најпродавани производи ќе бидат намалени за 25%, кои ќе бидат пренесени како поени на поен+ картичката за лојалност.

Дополнително, со цел да се одбележи денот на отворање на првиот маркет, во вторникот, 23 април, во сите маркети „Тинекс“ беа доделени двојно повеќе поени на поен+ картичките за лојалност на „Тинекс“, пресметани според износот на сметката.

Во текот на мај ќе бидат организирани викенд-дружења пред супермаркетите Зебра, Лиса и Кончар, каде што ќе бидат организирани многу забавни активности за сите посетители со музичка програма и игри, а дополнително за време на забавите ќе биде послужена голема роденденска торта и ќе бидат доделени подароци.

Како дел од роденденската кампања, „Тинекс“ распиша награден конкурс за редизајн на амбалажа на сладоледите „екстра“, приватниот бренд на „Тинекс“. Целта на конкурсот е да им се овозможи на младите дизајнери да ја покажат својата креативност и професионални способности преку учество во реален проект и да им се даде можност да се вклучат во создавањето препознатлив производ, конкурентен на македонскиот пазар.