Германeц кој патувал кон Хамбург со воз излегол да испуши цигара, па останал заглавен меѓу два вагона при движење со брзина од 200 километри на час и на минусни температури. Но, сепак, човекот преживеал, соопшти германската полиција.

Патниците го слушнале крикот на 33-годишниот човек и, како што пренесува ФЕНА, и ја повлекле сопирачката за итни случаи овозможувајќи му да влезе во возот. Тој потоа е предаден во станица во Есен и бил „недвосмислено информиран од страна на Федералната полиција во каква смртна опасност бил во тој миг“.

Имал среќа што преживеал, но сега е под истрага за ризично однесување во сообраќајот.

Извор: МИА