Научници открија повеќе од 140 нови геоглифи, познати како наскански линии, мистериозни гигантски фигури одамна врежани во пустинскиот терен на југот од Перу.

Насканските линии често прикажуваат луѓе и животни, а утврдено е дека некои прикази се стари дури 2500 години и толку големи што можат да се препознаат само од воздух.


Археолозите сметаат дека новоидентификуваните геоглифи се создадени меѓу 100 година пр.н.е. и 300 година.

- Сите геоглифи што ги откривме настанале со отстранување на црниот камен кој ја прекрива земјата за да се открие белиот песок под него - објасни истражувачкиот тим.

Според некои претходни научни хипотези, Наските ги обликувале џиновските геоглифи за да може да бидат видени од нивните божества на небото или за да може да им послужат за астрономски цели. Во новото истражување, водено од антропологот и археолог Масато Сакаи, научниците преку анализа на сателитски снимки на регионот Наска, како и преку работа на терен, идентификувале два главни вида геоглифи.
Најстарите геоглифи (настанати меѓу 100 година пр.н.е. и 100 година н.е.) спаѓаат во групата од тип Б и обично се пократки од 50 метри, додека оние малку поновите (настанати меѓу 100 и 300 година) се геоглифи од тип А и обично се подолги - некои и над 100 метри.


Спротивно на тоа, помалите мотиви обично се сместени покрај патеки и можеби служеле како патокази за ориентација на патници за да ги насочуваат кон поголемите ритуални простори од тип А.

Имено, некои геоглифи од тип Б се прилично мали, а најмалиот од најново откриените е помал од 5 метри.

Секако, и ова се засега непотврдени хипотези и овие линии сѐ уште остануваат една од најголемите светски мистерии.