Од 1 септември наставата ќе почне со физичко присуство во сите училишта. Ова се последните најави на Министерството за образование и наука.
Мила Царовска, министерката за образование и наука, посочи дека отворањето на училиштата е во најдобар интерес за учениците.
- Најдобар начин да се заштити и менталното здравје и да се одржи нивото на квалитет на наставата и социјализацијата на учениците е тие да се во училница и ние тоа ќе го направиме во оваа учебна година - рече Царовска.
Докторската фела, пак, е поделена во ставовите. Според многумина од лекарите, актуелната состојба со ковид-19, секојдневните високи бројки на позитивни случаи, но и смртни случаи не се погодна епидемиолошка слика да се почне училишната година со физичко присуство на учениците во училишните клупи.
За таа цел, Факултети.мк и Деца.мк ги анкетираат родителите и ги прашуваат дали сметаат дека наставата треба да почне со физичко присуство, дали се за онлајн настава од дома и дали би се согласиле за комбинирана настава.