Пандемијата на ковид-19 е официјално најсмртоносната во поновата американска историја, надминувајќи ги проценетите смртни случаи на САД од пандемијата на грип во 1918 година, според податоците собрани од Универзитетот „Џонс Хопкинс“.

Пријавените смртни случаи во САД поврзани со ковид-19 во понеделникот надминаа 675.000 и се зголемуваат во просек повеќе од 1.900 жртви дневно, покажуваат податоците на „Џонс Хопкинс“. Нацијата во моментов доживува уште еден бран на нови инфекции, поттикнати од делта-сојот кој брзо се шири.

Грипот од 1918 година - кој дојде во три брана, се случи во пролетта 1918 година, есента 1918 година; и зимата и пролетта 1919 година. За време на оваа пандемија загинаа околу 675.000 Американци, според податоците на Центарот за контрола и превенција на болести. Се сметала за најсмртоносна пандемија на Америка во поновата историја.


Сепак, пандемијата не треба да се споредува со таа во 1918 година затоа што бројките не ги обезбедуваат сите контексти, имајќи ги предвид огромните технолошки, медицински, социјални и културни достигнувања во текот на минатиот век, додава Меркел.

Важно е да се земе предвид популацијата кога се зборува за епидемија или катастрофа, велат здравствените експерти и статистичарите.

На пример, во 1918 година американското население било помалку од една третина од денешното население со околу 103 милиони луѓе што живееле во Америка непосредно пред бурните 20-ти години. Денес, во САД живеат речиси 330 милиони луѓе, што значи дека грипот од 1918 година убил 1 на секои 150 Американци, во споредба со 1 од 500 што починале од ковид-19 досега.

Исто така, вирусот од 1918 година имал тенденција да убива поинаку отколку ковид-19, велат експертите. Со Првата светска војна имало масовно движење на луѓето низ цела Америка и Европа. Иако коронавирусот може да биде особено тежок за постарите лица и оние со коморбидитети, вирусот од 1918 година бил невообичаен по тоа што убил многу млади возрасни лица.

На глобално ниво, грипот од 1918 година убил повеќе луѓе, според процените од 20 до 50 милиони, според Светската здравствена организација. Според податоците на „Џонс Хопкинс“, ковид-19 досега одзеде животи на околу 4,7 милиони луѓе низ светот.


Научниците дури и немале видено вирус под микроскоп. Тие немале никаква технологија и речиси ништо не знаеле за вирологија, која се сметала за наука во подем бидејќи вирусите се физички помали под микроскоп и потешко се идентификуваат отколку бактериските инфекции.

- Очигледно имаме многу поголеми предности сега, 100 години подоцна - вели д-р Пол Офит, кој ја советува Администрацијата за храна и лекови на САД (ФДА) за вакцини против ковид-19.

Во САД сега состојбата е полоша отколку пред една година, бидејќи голем дел од населението останува невакцинирано, додаде тој.

- Можам да ви кажам дека гледаме и многу хоспитализирани деца, кои имаат високоризични состојби и проблемот не е што не ја добија третата доза. Проблемот е што тие се невакцинирани - рече Офит, исто така директор на Центарот за едукација за вакцини во Детската болница во Филаделфија.

Маркел се согласи дека САД постигнаа напредок.