Во период кога сите на пазарот се насочени кон вртоглава потрошувачка и попусти, компанијата dm дрогерие маркт одлучи и оваа година, на т.н. „Црн петок“ да му даде ново значење, така што ќе донира 5% од целиот остварен промет на 27 ноември во хуманитарни цели. Оваа донација ќе биде реализирана во форма на пакети со храна кон организацијата „Ајде Македонија“ со цел обезбедување храна и оброци за социјално загрозени сограѓани.
Под слоганот „Giving is the new black“, најголемиот дрогериски синџир потсетува дека солидарноста никогаш не била попотребна и дека сега е правиот момент, во оваа предизвикувачка 2020 година, да се навратиме на она што е навистина важно.
Предводена од ова, компанијата dm дрогерие маркт во нашата земја им дава шанса на сите свои купувачи да бидат дел од една голема хуманитарна активност и на 27 ноември да дадат свој придонес кон обезбедување што повеќе средства за храна за социјално загрозените сограѓани.
Компанијата dm ја започна оваа иницијатива минатата година, кога на Black Friday 2019 донира 300.000,00 денари за обнова на апарати, потребни за Клиничкиот центар во Штип, а во текот на оваа година реализира низа социјално-одговорни проекти, преку кои се донирани повеќе од 500.000 денари наменети за различни здравствени и општествено корисни институции.
Предводена од својот основен принцип „Човекот во центарот на работењето“, dm и во претстојната година ќе продолжи со реализација на општествено корисни проекти, кои ќе ја направат нашата заедница подобро место за живеење за сите нас.
(Комерцијална објава)