Брзиот начин на живот, секојдневниот стрес и заморот се главните причини за зголемен крвен притисок и забрзан пулс. Сепак, научник од „Харвард“ нуди едноставно и бесплатно решение кое функционира за само неколку минути.

Современиот човек сè почесто се соочува со состојби на паника, анксиозност и хроничен стрес, што директно влијае врз кардиоваскуларниот систем. Додека многумина веднаш посегнуваат по лекови, експертите посочуваат дека клучот за контрола на сопственото тело лежи во нешто што го правиме несвесно секоја секунда – дишењето.

Една специфична вежба, популаризирана од д-р Ендру Вејл од „Харвард“, се покажа како најефикасен природен „лек за смирување“ за нашиот нервен систем.

Што претставува техниката „4-7-8“?

Оваа метода се заснова на древната јога-практика „пранајама“, но беше научно модифицирана од американските истражувачи за брзо постигнување состојба на длабока релаксација. Техниката го принудува телото да внесе повеќе кислород, истовремено забавувајќи ја работата на срцето и смирувајќи го умот.

-Ова е најмоќниот метод за намалување на стресот што некогаш сум го открил. Едноставен е, не бара никаква опрема и одзема многу малку време - изјави д-р Ендру Вејл.

За да го постигнете максималниот ефект, важно е правилно да ги следите секундите при вдишувањето, задржувањето на здивот и издишувањето:
Целосно издишете го воздухот преку устата.
Затворете ја устата и тивко вдишувајте преку носот додека во себе броите до 4.
Издишувајте целосно преку устата, во траење од 8 секунди.

Ова претставува еден циклус. За почеток, научниците препорачуваат да направите четири вакви циклуси, најмалку двапати во денот.

Зошто оваа техника е толку ефикасна?

Кога сме под стрес, нашиот симпатички нервен систем е премногу активен, што доведува до лачење на адреналин, забрзан пулс и плиток здив. Со практикување на оваа вежба свесно го активираме парасимпатичкиот нервен систем, кој е одговорен за одмор и варење на храната.

- Со задржувањето на здивот и свесното продолжување на издишувањето, испраќаме директен сигнал до мозокот дека сме безбедни. Срцевиот ритам веднаш се забавува, а крвните садови се опуштаат, што резултира со моментално паѓање на крвниот притисок - објаснува д-р Ендру Вејл.