Француската железничка компанија СНЦФ (SNCF) продава илјадници билети за патување во текот на летото по цена од  едно евро. Билетите се наменети за патување во северниот дел на Франција.

Станува збор за програма на регионот Горна Франција која ќе трае од 1 до 27 август. Попустот е финансиран од страна на советот на регионот.

Во рамките на слична програма во регионот Окситанија во Јужна Франција се нудат билети на попуст за лица помлади од 26 години. Оваа програма е во сила од 14 јули до 15 август.

До следното лето Владата на Франција планира да воведе една пропусница за сите меѓуградски возови и автобуси. Меѓуградските возови ги користат околу 12 милиони луѓе годишно.

Извор: The mayor
Насловна фотографија: Pixabay