Здружението на џез-музичари и слободни уметници, по повод Меѓународниот ден на џезот, кој се одбележува на 30 април, организира целодневен концерт во паркот „Ибни Пајко“ во Скопје.
Концертот почнува во 14 часот, а ќе настапат Џоле Грујовски „Resonance“, Џон Илија Апелгрен и Гордан Спасовски, „SS Project“, „Off Ground Ensemble“, „CuckooRack aka Bopers“, Сашо Поповски и Тони Китановски.
Денот на џезот ќе се одбележи и во Битола, каде што тамошниот Младински културен центар најави концерт на Тони Китановски трио, односно Тони Китановски на гитара, Виктор Филиповски на тапани и Кирил Туфекчиевски на бас-гитара.
Концертот ќе се почне во 12:30 часот во кафе-барот „Порта џез“.