Два бронзени медала за Македонија освоија средношколците кои учествуваат на Олимпијадата по хемија која се одржува во Братислава и во Прага.

- Поздрав од возбудениот тим. Пресреќни сме - вели доц. д-р Миха Буклески, еден од менторите на нашиот тим.

На јубилејното 50. издание на манифестацијата Македонија ќе ја претставуваат Антонио Андоновски и Стефан Стојковиќ од скопската гимназија „Раде Јовчевски-Корчагин“,

Магдалена Златанова од приватното училиште „Јахја Кемал“ од Струмица и Стефан Дамчевски од истоименото училиште во Струга. Како и минатата година, тимот ќе го предводат доцент д-р Миха Буклески и проф. д-р Слоботка Алексовска, двајцата од Институтот за хемија и членови на СХТМ.