Астрономите открија небесно тело со радиус од 1,3 километар на крајот на Сончевиот Систем, што на некој начин беше предвидено пред 70-ина години, но досега зародиш на планета во нашиот систем конкретно не е забележан.

Вселенското тело е 30-55 астрономски единици оддалечено од Сонцето, близу, но надвор од орбитата на Нептун. Астрономската единица е средното растојание помеѓу Земјата и Сонцето, т.е. должина еднаква на 149.597.870,7 километри.

Научниците сметаат дека појасот познат под името Еџворт-Којперов Појас се состои од остатоци од формирањето на планетите. Поради малото количество Сончева светлина, астероидите и кометите во тој дел на Сончевиот Систем си останале какви што биле и пред милијарди години.

Според научниците, откривањето на ова небесно тело ја потврдува хипотезата според која таканаречени планети во зародиш достигнуваат мал размер во раната фаза на својот развој и потоа брзо ја зголемуваат својата маса.

Извор: МИА