Ги има сите шанси да постигне успех. Мрачен трилер базиран на романот на најпродаваниот писател со одлични актери. И како тоа да не е доволно, снимен е во Малага, еден од најмодерните градови во светот во овој момент. Сепак, резултатот од првиот викенд на „Нетфликс“ на „Снежното девојче“ (англ. The Snow Girl) ги надмина очекувањата, станувајќи глобален феномен и еден од најголемите успеси на стриминг-платформата.

Приказната, базирана на романот на Хавиер Кастиљо, ја водат главните протагонисти, двајца новинари од весникот „СУР“, кој има особено релевантна улога бидејќи е медиум во кој се спроведува истрагата. Од првиот момент, приказната за Мирем и Едуардо се најде меѓу најгледаните во Шпанија, факт што можеше да се предвиди. Она што никој не го предвиде е глобалниот успех.

Во моментов, „Снежното девојче“ го држи второто место меѓу најгледаните серии на глобално ниво, а се наоѓа и пред „Венсдеј“, серија која ужива многу поголема маркетинг-програма, вклучително и номинации за „Златен глобус“. Единствено серијата „Локвуд & Ко.“ (англ. Lockwood & Co) се наоѓа пред „Снежното девојче“.

- Каква радост е да се знае дека целата планета влегува во мојот свет и копнее уште малку да си игра со душата. Ова ги прекрши сите можни прогнози - напиша на својот инстаграм-профил Хавиер Кастиљо, автор на романот врз кој беше базирана мини-серијата.


Фото: Screenshot/YouTube