Библиотеката во Ворчестер, Масачусетс, не наплаќа за оштетени или изгубени книги. Но, во текот на овој месец оваа библиотека смисли интересен начин за плаќање за оние што ги задоцниле или ги оштетиле книгите - со испраќање фотографии од мачки.

Програмата е дел од кампањата наречена „Мартовско мјаукање: мачки како прошка за плаќање“ што ја организира библиотеката. Нивната веб-страница објаснува дека читателите можат да покажат фотографија од нивната мачка, од позната мачка, цртеж од мачка што го нацртале тие итн.

- Пратете слика од мачка и ние ќе ви ја простиме казната. Можете да ни покажете и цртеж од куче, ракун, орка или кое било друго животно - пишува на веб-страницата.

Покрај програмата за простување на казните, во март библиотеката ќе биде домаќин на различни работилници и активности на тема мачки. Работилниците вклучуваат правење играчки за мачки кои живеат во засолништа и бесплатна проекција на филмот „Мачки“.

Сликите од мачките можат да се однесат во библиотеката или да се испратат преку е-пошта, а луѓето се охрабруваат да ги стават нивните слики на огласна табла во библиотеката.

Извор: Mymodernmet.com
Фото: Freepik