Библиотеката на познатиот британски политичар од 19 век, Вилијам Гледстон, покрај своите 150.000 наслови по кои е надалеку прочуена, сега има и 26 соби за преноќување со појадок.

Гледстон е член на британската Либерална партија, во неколку наврати бил претседател на Парламентот, а нам ни е познат како голем поддржувач на македонската револуционерна борба. Позната е неговата изјава „Зошто не Македонија на Македонците, како што Србија е на Србите и Бугарија е на Бугарите?“, која била користена како слоган во револуцијата потоа.

Гледстоновата библиотека се наоѓа во северен Велс. Гледстон пред смртта оставил аманет – таа да биде собиралиште на мислители, место за полемики или едноставно – за човек да се повлече во тишина за да чита или да пишува.

Во февруари ќе се организира и првата Тркалезна маса на која гостите ќе можат да седат околу каминот и да разговараат со писатели – специјални гости на библиотеката.